Hövsan-Türkan yolunda hərəkət məhdudlaşdırılacaq

Noyabrın 3-də Hövsan-Türkan avtomobil yolunda aparılacaq təmir işləri ilə əlaqədar nəqliyyat vasitələrinin hərəkətinə məhdudiyyət tətbiq ediləcək.Bu barədə Azərbaycan Yerüstü Nəqliyyat Agentliyi (AYNA) məlumat yayıb.

Bildirilib ki, məhdudiyyət yolun kanal yaxınlığında yerləşən hissəsini əhatə edəcək. Bununla əlaqədar 210, 215 və 218 nömrəli müntəzəm marşrutların hərəkət sxemləri müvəqqəti dəyişdiriləcək.

Dəyişikliyə əsasən, 210 nömrəli marşrut Hövsan qəsəbəsi – Hövsan bağları, 218 nömrəli marşrut metronun "Əhmədli" stansiyası – Hövsan bağları, 215 nömrəli marşrut isə Türkan qəsəbəsi – Türkan bağları – Hövsan bağları istiqamətində fəaliyyət göstərəcək.

Məhdudiyyət yalnız təmir işlərinin aparıldığı əraziyə şamil olunacaq.