​SOCAR dizel ixcracını 3 dəfə artırdı

"Report”a SOCAR-ın mətbuat xidmətindən əldə etdiyi məlumata görə, ötən ilin eyni dövrünə nisbətən dizel yanacağının həcmi 22 min 594 ton yaxud 3 dəfə çoxdur.

Ümumilikdə, 2016-cı ilin yanvar-iyun ayları ərzində 389 223 ton dizel yanacağı, 128 738 ton təyyarə yanacağı, 2 298 ton soba mazutu, 46 896 ton yüksək təzyiqli polietilen, 7 385 ton mütləqləşdirilmiş izopropil spirti, 35 215 ton maye piroliz qətranı, 23 245 ton propilen və 10 085 ton butilen butadien fraksiyası ixrac edilib.

Bu il ixrac edilən dizel yanacağının həcmi illik müqayisədə 20,87% azalıb, təyyarə yanacağı 24,37%, soba mazutu isə 67,42% artıb.

Hesabat ayında dünya bazarında etilləşdirilmiş benzinin qiyməti 496,47 dollar/ton, təyyarə yanacağı 451,40 dollar/ton, dizel yanacağı 431,56 dollar/ton, 1% kükürdlü mazut 247,03 dollar/ton, yüksək təzyiqli polietilen 1 138,75 dollar/ton, butilen butadien fraksiyası 464,93 dollar/ton, maye piroliz qətranı 496,47 dollar/ton, propilenin qiyməti 652,50 avro/ton, mütləqləşdirilmiş izopropil spirtinin qiyməti 840 avro/ton təşkil edib.

Neft məhsullarından etilləşdirilmiş benzinin qiyməti 27,94%, təyyarə yanacağı 21,75%, dizel yanacağı 23,19%, 1% kükürdlü mazut 25,59% ucuzlaşıb.