“Xəzər adaları”ndan xəbər var

Bununla belə, layihə üzrə 1-ci adanın tikintisini başa çatdırmaq üçün Hacı İbrahimə əlavə 2 milyard dollar pul lazım olacaq. Onun sözlərinə görə, bu pul da layihəyə qoyulsa 2018-ci ildə, ən geci isə 2020-ci ildə 1-ci ada hazır olacaq. Amma hazırda tikilən adada yaşayış 2016-cı ildən başlanacaq. Gələn ildən etibarən burada 6-7 min insanın yaşayacağı gözlənilir.Tədricən bu rəqəm 60 minə çatacaq.

Hazırda "Xəzər adaları”nda mənzillərin 1 m2-nin qiyməti 5 min dollardır. Hacı İbrahimin sözlərinə görə, bu məbləğin 2 min dolları maya dəyəri, 2 min dolları isə kommunikasiyaların qurulmasına çəkilən xərcdir: "Hər m2-in üstünə 1000 dollar qoyulur. Amma bu pul təmiz mənfəət deyil. Çünki vergilərin ödənilməsi, gözlənilməz xərclər da həmin məbləğ hesabına təmin olunur”.

"Xəzər adaları”nda mənzil almaq üçün azı 300 min dollar pul lazımdır. Çünki, ən kiçik mənzilin ölçüsü 60 m2-dən az deyil. Mənzilləri şirkətdaxili ipoteka kreditləşməsi yolu ilə də əldə etmək olar – ilik 4%-lə, 15 il müddətinə.

Hacı İbrahim deyir ki, mənzil alandan sonra onu qaytarmaq istəyənlər əmlakı ilk növbədə onun özünə təklif edə bilərlər: "Mən 1-ci alıcı kimi mənzilin pulunun 80%-ni ödəyib onu geri almağa hazıram. Sata bilir, daha baha satsın”.

"Xəzər adaları”nda satışın dollarla həyata keçirilməsi Hacıya manatın ucuzlaşdırılmasından itkisiz çıxmağa kömək edib. Onun sözlərinə görə, adada əmlak alanlar əsasən xaricilər olduğundan satış əvvəlcədən xarici valyuta ilə həyata keçirilib: "İndiyə qədər 200 ev satmışam, bunun 180-i kənardan gələnlər, xarici millətlərin nümayəndələridir. Azərbaycanlılar da var. Onlar isə əsasən Rusiyada yaşayanlardır”.