Iki şəhid yetişdirən yarı qamış, yarı kərpic ev - FOTOLAR

16:56 | 13.11.2020
Kərimbəyli  Füzulinin Birinci Qarabağ savaşı zamanı Ermənistan tərəfindən işğal edilməyən azsaylı kəndlərindən biridir. İkinci Qarabağ müharibəsi başlayandan bəri şəhid və yaralı hərbçi xəbərləri almaq kənd əhalisi üçün  adi hal alıb.  

İkinci Qarabağ savaşı zamanı şəhid olmuş Elməddin və Elmir həm qonşu, həm də qohum idilər. Onlarə Elmirin uşaqlığı birlikdə keçib, birlikdə əsgər gedib və şəhid olublar.

Şəhid anası Ellada Məmmədova Füzulinin Kərimbəyli kənd məzarlığına girib gah oğlu Elməddin Bədəlovun, gah da qaynı oğlu şəhid Elmir Vəliyevin qəbrini qucaqlayır. Bu iki əmioğlu birlikdə böyüyüb, bir neçə günlük fərq ilə şəhid olublar.
 
 
(Foto: Kərimbəyli kənd məzarlığı)

Ellada Məmmədova 3 uşaq anasıdır. O, deyir ki, böyük oğlu şəhid olmasaydı, martın 6-ı 21 yaşı olacaqdı.

"Elməddin əsgərlikdən gəldi, sonra MAXE (müddətdən artıq hərbi edən - red.) kimi işə başladı. 5 ay idi ki, işləyirdi.
27 sentyabrda həlak oldu. 28-i cənazəsini gətirdilər balamın",  -  deyə ana  danışır. 
 

(Foto: Şəhid Elmir Vəliyevin anası)

Ellada Məmmədovanın  ailəsindən iki övladı və əri qalıb. 
 

(Foto: şəhidin qardaşı)

Şəhid Elməddin Bədəlovun ailəsi yarı qamış, yarı kərpicdən tikilmiş evdə yaşayırlar.
 


 



(Foto: ev)

Ailədə yas yasa qarışıb. Elməddindən 1 həftə əvvəl əmisi oğlu Elmir Vəliyev də 34 yaşında şəhid olub.

Elmir Vəliyevin arvadı Sənarə  evliliklərinin on birinci ildönümünü qeyd etməyə hazırlaşırdılar.  Sənara ərinin ona surpriz edərək bu il də cəbhədən  evə qayıdacağını düşünürmüş.  Evə isə onun özü yox, nəşi gəlib.

 
(Foto: şəhid Elmir Vəliyevin həyat yoldaşı)
 
Şəhidin arvadı deyir ki,  indi ona həyat yoldaşından 2 övlad yadigarı qalıb. 



(Foto: şəhidin övladları)
 
Elmirin anası həm övlad itirməyin ağrısını yaşayır, həm də gəlininə dəstək olur. O da gənc ikən əriniı itirib. Yarı qamışdan, yarı kərpicdən tikilmiş bu evdə ananın yaşadığı taleyi indi  gəlin yaşayacaq. Hər ikisi atasız övlad böyüdəcək.


 
Şəhid ailəsinin sosial problemləri də çoxdur. Onların evi çökmək üzrədir. Şəhidin anası deyir ki, Elmir neçə ildir evi təmir etməyə hazırlaşırmış. Çalışdı, amma qismət olmadı...
 
Hazırladı: Əminə Məmmədova

www.anews.az

Tərəfdaşların xəbərləri

REKLAM