“Ağ ölüm” Narkotikə YOX deyək!” adlı qısametrajlı filmin təqdimatı olub
25.11.2022 10:30
Noyabrın 24-də Azərbaycan Memarlıq və İnşaat Universitetində Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə "Narkotizmlə Mübarizə” İctimai Birliyinin həyata keçirdiyi "Virtual metodlarla "Ağ ölüm” Narkotikə YOX deyək!” layihəsi çərçivəsində "Ağ ölüm” Narkotikə YOX deyək!” adlı qısametrajlı filmin təqdimatı olub.
150 nəfərin iştirak etdiyi tədbiri layihənin kordinatoru Kənan Qubadzadə açıb.
O, bildirib ki, layihənin müddəti 3 aydır və əsas məqsədi qısametrajlı film vasitəsi ilə cəmiyyəti narkomaniya bəlasından qorunması yönündə maarifləndirməkdir.
"Film 7 dəqiqə ərzində həm səsli həmdə ssenari əsasında teatral hərəkətlərlə gəncləri, valideyinləri məsuliyyətli, narkotikdən və digər pis vərdişlərdən uzaq olmağa çağırır. Film mətbuat, televiziyalarda yayımlanacq, youtube-də və digər sosial şəbəkələrdə paylaşılacaqdır”,- Kənan Qubadzadə bildirib.
Tədbirdə iştirak edən Memarlıq və İnşaat Universitetinin rektoru Gülçöhrə Məmmədova, Azərbaycan Milli Məclisin deputatları Pərvin Kərimzadə, Kamilə Əliyeva, İlham Məmmədov və ekspertlər Bayram Aslanov, Anar Sarıyev çıxışlarında bildirdilər ki, narkomaniya ümumbəşəri bir problem olaraq günümüzə qədər gəlib çıxan ən böyük problemlərdən biridir.
www.anews.az
Foto 
Video 
