"ABŞ Qarabağda "sərt kampaniyanı” dayandırana qədər Azərbaycana yardımı dayandırmalıdır", - o bildirib. 

 

Kardin Qarabağda son proseslərə görə Azərbaycanı kəskin "tənqid" edib. O, ABŞ Qarabağdan çıxan ermənilərə "dəstək" olmağa çağırıb. 

 

O, Azərbaycan hakimiyyətini hərəkətlərinə görə kəskin tənqid edib. Kardin yaşayış yerlərini tərk edən ermənilərə yardımın genişləndirilməsinə çağırıb. O, xüsusilə qeyd edib ki, Vaşinqton Ermənistan hökumətinin son illər həyata keçirdiyi "demokratik islahatları” dəstəkləməyə davam etməlidir.

Demokratlar və Respublikaçılar partiyalarından olan amerikalı senatorlar Qarabağ ətrafındakı vəziyyətlə əlaqədar Azərbaycana qarşı sanksiyaları özündə əks etdirən, həmçinin Ermənistana yardımı nəzərdə tutan qanun layihəsi təqdim ediblər.

 

Politoloq Tural İsmayılov bildirir ki, ABŞ Senatının Xarici Əlaqələr Komitəsinin sədri Ben Kardin Amerikadakı Erməni Milli Komitəsi adlı Diaspora Təşkilatı, daha doğrusu lobbi  təşkilat adı altında maskalanmış ASALA zehniyyətli terroçu mahiyyətindəki təşkilatın yaxın əməkdaşlıq etdiyi adamlardan biridir. 

"Ümumiyyətlə bizim üçün istisna hal deyil ki, Amerikada hansı senatorlar və konqresmenlər erməni diasporasının təsirləri ilə haqdan, ədalətdən, insanlıqdan uzaq qərarlar alırlar. Bu baxımdan biz artıq Ben Kardinin dəfələrlə Azərbaycan və Türkiyə əleyhinə dezinformasiyaları tirajladığını, yalan xəbərlər əsasında iki ölkəyə ittihamlar yağdırdığını, nəticədə ABŞ-nin Azərbaycanla Türkiyə arasında münasibətlərini korlamaq üçün əlindən gələni etdiyini müşahidə etmişik”, - politoloq vurğulayıb.

İsmayilov hesab edir ki, buna görə Ben Kardin ənənəvi şəkildə anti-Azərbaycan ritorikasını davam etdirir. 

"Ümumiyyətlə ABŞ-dəki erməni lobbisinin təsiri altında olan senator və konqresmenlərin bir çoxu korrupsiyaner dövlətçilikli pulların təsiri altındadır. Sonuncu olaraq belə anti-Azərbaycan konqresmenlərindən biri olan Menendes və həyat yoldaşının adının korrupsiya qalmaqalında hallanması dediklərimizin real olduğunu göstərir. Ben Kardinin bu çağırışına ABŞ-nin dövlət səviyyəsində hər hansısa reaksiya verməsinə inanmıram, amma müxtəlif dövrlərdə ABŞ Dövlət Departamentində bir çox məsələlərdə Azərbaycan və Türkiyə haqqında qərarlar verdiyini, dırnaqarası bəyanatlar səsləndirdiyini eşitmişik. İstənilən halda Ben Karden, Nancy Pelosi, Frank Polloni, Menendes kimi adamların Azərbaycan və Türkiyə əleyhinə ritorikasının ABŞ-nin rəsmi-siyasi qərarlarında əks olunmayacağını düşünürəm”, - İsmayılov söyləyib.

Avropa Parlamenti Qarabağa hücumla bağlı Azərbaycana qarşı sanksiyalardan danışmağa başlayıb.

 

Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov sentyabrın 20-də XİN-də keçirilən brifində deyib ki, Azərbaycan əlehinə çağırışlar edən beynəlxalq təşkilatlar qıcıqlandırıcı fikirlərdən yayınmalıdır. 

Sentyabrın 28-də Qarabağda qondarma rejimin "prezidenti" Samvel Şahramanyan 2024-cü il yanvarın 1-dən separatçı rejimin ləğv olunması ilə bağlı qərar qəbul edib. Əhaliyə Bakının təklif etdiyi reinteqrasiya şərtlərini nəzərdən keçirmək və qalma imkanları ilə bağlı öz qərarını vermək tapşırılıb. 

 

Azərbaycan Prezidenti mətbuata çıxışında dəfələrlə bəyan edib ki, Qarabağda yaşayan ermənilərin bütün hüquqları vətəhlükəsizliyi təmin olunacaq. 
 
Gülnar Nazimqızı 

Aygün Mirakif