ABŞ qısa fasilədən sonra Ukraynaya silah tədarükünü bərpa edib. Bu barədə Reuters məlumat yayıb.
Bildirilir ki, Ağ Ev Ukraynaya bütün yardımı kəsmək barədə ilkin qərarını ləğv etdikdən sonra silah tədarükü bərpa edilib.
Reuters yazır ki, Tramp administrasiyası daxilində ABŞ-ın Kiyevə hərbi dəstəyini nə dərəcədə davam etdirməsi ilə bağlı razılığa gələ bilməyən qruplar var. Ağ Ev məsələ ilə bağlı rəsmi açıqlama verməyib.
ABŞ-ın keçmiş prezidenti Co Bayden administrasiyasının son aylarında Ukraynaya təxminən 1 milyard dollar dəyərində silah təhvil verilməsini təsdiqləyib.
Donald Tramp Ağ Evə qayıtdıqdan sonra Ukraynaya hərbi yardım paketi açıqlanmayıb.
Rusiyanın Ukraynadə hərbi əməliyyatlara başlamasından 3 il ötməsinə baxmayaraq iki ölkə arasında gərginlik davam edir. Bu müddət ərzində ABŞ və Avropa Rusiyaya qarşı sərt sanksiyalar tətbiq etsə də Putin geri addım atmayıb.
Gülnar
www.anews.az
Bizi sosial şəbəkələrdə izləyin !
