Ali məktəblərdə dövlət imtahanı ləğv olundu - Nazirdən açıqlama
13.03.2023 13:38
Ali təhsil müəssisələrində dövlət imtahanı ləğv olunub. Bunu Apa agentliyinə açıqlamasında Elm və Təhsil Nazirliyi Elm sektorunun müdiri Turxan Süleyman deyib.
O bildirib ki, yeni təhsil standartında dövlət imtahanı deyilən anlayış yoxdur.
"Bu il ali təhsil müəssisələrinin I və II kursunda təhsil alanlar ali məktəbi bitirdikdə dövlət imtahanı verməyəcəklər. Dövlət imtahanı verənlər köhnə standartla təhsil alanlardır”, - Tərxan Süleyman söyləyib.
Təhsil naziri Emin Əmrullayev bildirib ki, ali təhsil müəssisələrində dövlət imtahanlarının ləğvi yeni məsələ deyil və bu qaydalar 2020-ci ildə tətbiq edilib.
Foto 
Video 
