“Sputnik-Azərbaycan”da əməliyyat keçirilib- RƏSMİ/Yenilənib

Azərbaycan Daxili İşlər Nazirliyi “Sputnik Azərbaycan” media qurumunun fəaliyyətinə dair araşdırmalara başlayıb. Bu barədə qurumdan bildirilib. 

Nazirliyin məlumatına görə, qurumun fəaliyyətinin qanunsuz maliyyələşmə əsasında davam etdiyinə dair əməliyyat məlumatı əsasında tədbirlər həyata keçirilib.

DİN-in Mətbuat Xidmətinin məlumatına əsasən, iyunun 30-da “Rossiya Seqodnya” agentliyinin Bakıdakı filialının ofisində əməliyyat-axtarış tədbirləri keçirilib və saxlanılan şəxslər var.

Qeyd olunur ki, agentliyin akkreditasiyası 2025-ci ilin fevralında dayandırılsa da, fəaliyyətini davam etdirib. 

12:53

Azərbaycanın hüquq-mühafizə orqanları “Sputnik-Azərbaycan” informasiya agentliyinin Bakıdakı ofisində əməliyyat keçirir və ofisi nəzarətə götürüb.  Bu barədə Qafqazinfo məlumat yayıb. 

Məlumata görə, əməliyyat agentliyin fəaliyyətinin dayandırılmasına baxmayaraq, əməkdaşların işə çıxmağa davam etməsi ilə əlaqədardır.

Daxili İşlər Nazirliyindən faktı anews.az-a təsdiq ediblər. Bildiriliblər ki, detallar barəsində ətraflı məlumat veriləcək. 

Bu ilin əvvəlində Azərbaycan hökuməti “Sputnik-Azərbaycan”ın fəaliyyətini rəsmi olaraq dayandırmış, qurumun yerli yayım və informasiya resurslarına məhdudiyyət qoymuşdu. 

Aytac Zeynalova