Heydər Əliyev Fondunun icraçı direktoru Anar Ələkbərov tanınmış hüquqşünas Aslan İsmayılovun quruma müraciətinə reaksiya verib.
"Yeni Sabah” xəbər verir ki, Aslan İsmayılov Fondun məsul şəxslərinə müraciət edərək hüquq müdafiəçisi Oqtay Gülalıyevin müalicəsinə maddi yardımı dayandırmamağı xahiş edib.
"Bu barədə Heydər Əliyev Fondunun Prezidenti Mehriban Əliyevaya məruzə ediləndən sonra 2 saat ərzində Anar Ələkbərovun öz iştirakı ilə Türkiyədə baş-beyin zədələnməsi sahəsində ən tanınmış həkimlərdən biri olan İstanbul Avrasiya Birləşmiş Xəstəxanalarının Reanimasiya şöbəsinin rəhbəri, anestezioloq və reanimatoloq Kadir Doğruer Bakıya dəvət olunur və o, Oqtay Gülalıyevi müayinə edib səhhətinin çox ağır olduğunu deyib onun Türkiyədə İstanbul Avrasiya xəstəxanasına aparılmasını məsləhət bilir.
Anar Ələkbərov şəxsən bir neçə dəfə Oqtay Gülalıyevin həyat yoldaşı Firuzə xanımla danışır, lazım olan hər tədbirin görüləcəyini deyir və lazım olanlar da edilir. Heç bir ehtiyac olmasa da məhz doğmalarının istəyinə görə Oqtay bəy Amerikan Xəstəxanasına köçürülür.
www.anews.az
Bizi sosial şəbəkələrdə izləyin !