Rusiyalı rəsmi şəxslər və səfirlər Kadyrovun oğlunun toyunda iştirak edib

Cecenistan rəhbəri Kadırovun 17 yaşlı oğlu Adamın toyunda Rusiyanın yüksək vəzifəli məmurları və xarici ölkə səfirləri iştirak ediblər. Bu barədə Kadırov özü bildirib. 

Qonaqlar arasında Rusiya baş nazirinin müavinləri Denis Manturov və Aleksandr Novak, prezidentin Şimali Qafqaz üzrə nümayəndəsi Yuri Çayka, LDPR partiyasının sədri Leonid Slutski, həmçinin İran, BƏƏ, Türkiyə və Qazaxıstanın səfirləri olub.

Moskva vilayəti, Tatarıstan və işğal olunmuş Donetsk vilayəti də daxil olmaqla doqquz regionun rəhbərləri də mərasimdə iştirak ediblər.

Baş nazir Mixail Mişustin və digər yüksək vəzifəli şəxslər təbrik göndəriblər. Kadırov daha əvvəl prezident Vladimir Putinin də şəxsən təbrik etdiyini bildirib.

Toy iyunun 28-də baş tutub. Kadırovun oğlu Medni adlı qızla evlənib, bu barədə bacısı Ayşat Kadırova məlumat verib.

N.Təbrizli