“Apple” gələn həftə yeni cihazlarını təqdim edəcək

"Apple" şirkəti jurnalistləri oktyabrın 16-da keçiriləcək tədbirə rəsmi dəvət edib. Tədbirdə  "iPad" planşetləri və "iMac" kompüterlərinin yeni versiyaları nümayiş etdiriləcək.

"Xeyli vaxt ötüb" – dəvətdə yazılıb. Tədbir Kaliforniyada keçiriləcək və yerli vaxtla saat 22:00-da başlayacaq.

Proqnozlara görə, "Apple" şirkəti tədbirdə "iPad Air" və "iPad mini" planşetlərinin yeni versiyasını nümayiş etdirəcək. Gözləntilərə görə, "iPad"in tam ölçülü modeli yeni parıldamayan ekranla təchiz ediləcək ki, bu da parlaq işıqda ekrandakı informasiyanı daha rahat oxumağa imkan verəcək.

"ICTnews" elektron xəbər xidməti "lenta.ru" saytına istinadən bildirir ki, planşetlər daha güclü "A8" prosessoru, tam ölçülü "iPad" isə təkmilləşdirilmiş 8 meqapiksellik kamera ilə təchiz edilib.

"Bloomberg" nəşri yazıb ki, "Apple", həmçinin 9,7 düymlük modelinin çeşidinə qızılı rəng əlavə edəcək.

"Apple" üçün "iPad"in satış həcmi hazırda "iPhone"dan çox güclü asılı olan biznesini diversifikasiya etmək üsulu kimi böyük əhəmiyyət daşıyır. "Alma" şirkətinin dövriyyəsinin yarısı smartfonların payına düşür. Planşetlərin satış həcmi 32 milyard təşkil edir, amma son iki rübdə azalır.

ANN.Az