Sabirabadda körpü su altında qalıb, kəndlərlə əlaqə çətinləşib

Sabirabad rayonunda panton körpünün quru hissəsi su altında qalıb, kəndlərə gediş-gəliş çətinləşib.

“Report”un məlumatına görə, Kür çayının rayonun ərazisindən keçən hissəsində suyun səviyyəsi xeyli qalxıb. Nəticədə çayın Ulacalı kəndindən keçən hissəsində körpünün quru ilə əlaqəsi kəsilib.

Sakinlər bildirib ki, kəndlərə getmək üçün əlavə olaraq 15 km məsafə qət edərək Surra kəndində yerləşən körpüdən istifadə etmək məcburiyyətində qalırlar.

Gediş-gəlişin bərpa olunması üçün əraziyə texnikalar cəlb edilib, lazımi tədbirlər görülür.