Bakıda iki “KamAZ” toqquşub, xəsarət alanlar var

Yasamal rayonunda ağır yol-nəqliyyat hadisəsi baş verib.

"Qafqazinfo" xəbər verir ki, Ziya Bünyadov prospektində daşla dolu iki “KamAZ” markalı yük maşını toqquşub.

İlkin məlumata əsasən, arxadan gələn yük maşınının əyləc sisteminin gec işləməsi nəticəsində sürücü qarşıda hərəkət edən avtomobilə çırpılıb.

Qəza nəticəsində üç nəfər xəsarət alıb. Onlardan birinin vəziyyətinin ağır olduğu bildirilir.

Hadisə yerinə polis və Fövqəladə Hallar Nazirliyinin əməkdaşları cəlb olunub. Yük maşınında sıxılı vəziyyətdə qalan sürücü xilas edilib.