Asim Mollazadə İstanbulda Qara dəniz regionundakı münaqişələr və əməkdaşlıq perspektivləri barədə məruzə edəcək Demokratik İslahatlar Partiyasının sədri Asim Mollazadə Qara Dəniz regionunda mədəniyyətlərarası dialoq və etimad tədbirləri üzrə Beynəlxalq Gənclər Forumunda iştirak etmək üçün İstanbula gedib. Bu barədə ANN.Az-a partiyanın mətbuat xidmətindən məlumat daxil olub.Asim Mollazadə Forumun "Qara dəniz regionunda münaqişələrin transformasiyası və regional əməkdaşlıq perspektivləri " panelində məruzə edəcək və digər panellərdə keçirilən diskussiyalara qatılacaq.Almaniyanın Robert Bosch, ABŞ-ın German Marşall fondlarının və Azərbaycan- Amerika Gəncləri İctimai Birliyinin təşkilatçılığı ilə keçirilən forumda region ölkələrində tolerantlıq, mədəniyyətlərarası dialoq, regionun enerji təhlükəsizliyində Azərbaycan-Türkiyə əməkdaşlığının rolu və digər mövzular müzakirə ediləcək. ANN.Az