2015-ci ilin I yarısında (yanvar-iyun) Azərbaycan 564,7 min ton avtomobil benzini istehsal edib. Bu da 2014-cü ilin analoji dövrü ilə müqayisədə,1,0% azdır.

Oxu.Az-ın Dövlət Statistika Komitəsinə (DSK) istinadən məlumatına görə, cari ilin iyulun 1-nə hazır məhsul ehtiyatı isə 25 min ton təşkil edib.

Bundan başqa, bu ilin 6 ayında Azərbaycan 1 475,2 min ton dizel yanacağı istehsal edib ki, bu da ötən ilin müvafiq dövrü ilə müqayisədə 21,7% çoxdur.

Komitə qeyd edib ki, 2015-ci ilin iyulun 1-nə hazır dizel yanacağı ehtiyatı isə 30 min tondur.
www.ann.az