Azərbaycan EDB səhmdarı ola bilər
05.12.2024 14:55
Azərbaycan Avrasiya İnkişaf Bankının (EDB) artan səhmdarlarından biri ola bilər. Bu barədə EDB-nin idarə heyətinin sədri Nikolay Podquzov bildirib.
"Biz səhmdarlarımızın sayını artırmaq niyyətindəyik və Avrasiya regionunda fəaliyyət göstərən bank olaraq ilk növbədə regiondakı qonşu ölkələrin namizədliyini nəzərdən keçiririk. Aydındır ki, Türkmənistan, Monqolustan və ya Azərbaycan kimi ölkələr bankın həqiqi tərəfdaşları ola bilər. Yaxın Şərq ölkələri Mərkəzi Asiya regionuna investisiya yatırmaqda maraqlıdır", - Podquzov bildirib.
EDB-nin sədr həmçinin yeni namizədlərin adının gələn il elan oluna biləcəyini də vurğulayıb.
"Danışıqlar prosesinin hər hansı konkret nəticələri ilə bağlı hələlik məlumat verməyə hazır deyiləm. Lakin 2025-ci ildə biz banka daxil olacaq yeni namizəd ölkələr barədə daha məlumatlı olacaq və coğrafi olaraq fəaliyyətimizi genişləndirəcəyik", - Podquzov bildirib.
Beynəlxalqinkişaf bankı olan EDB-nin nizamnamə kapitalı $7 milyarddır. Hazırda 6 ölkə bankın səhmdarıdır. Özbəkistanın bankın səhmdarı elan edilsə də bu ölkənin daxil olma proseduru hələ bitməyib.
Aytac Zeynalova
www.anews.az
Foto 
Video 
