Mahaçqalanın “Anji” klubunun keçmiş oyunçusu, hazırda isə “Krılya Sovetov” komandasının şərəfini qoruyan Şamil Lahiyalov, 1998-ci ildə Azərbaycan millisinə çağırılması ilə bağlı Rusiyanın "Ekspress-sport" qəzetinə maraqlı müsahibə verib. Qol.Az-ın verdiyi məlumata görə, Ş.Lahiyalov, indi özünə də məcara kimi gələn bir hadisəni danışıb. O, bildirib ki, 1990-cı illərdə "Anjı" komandasına düşmək çətin idi:- Yoldaşlıq oyunu üçün Azərbaycana yola düşdük, amma orada mənə dedilər ki, əgər 1982-ci ildə doğum haqqında şəhadətnaməni gətirə bilsən, burada qalacaqsan. Mən də kiçik qardaşım Rəşidin sənədini gətirdim".– Siz qardaşınıza o qədər oxşayırsınız?– Doğum haqqında şəhadətnamədə foto olmur. Mən, 1979-cu il doğumluyam, amma boynum çox kiçik idi. Peşəkar futbola qədər isə böyüdüm. Təklif etdilər ki, pasportu saxtalaşdır və bizdə oyna.– Bəs nə mane oldu?– Birinci müqaviləyə görə, maaşım 470 rubl idi. Saxta pasport üçünsə 4 min tələb olunurdu. Nəhayət razılaşdım və Dağıstanla müqaviləmi pozaraq, Azərbaycanda qaldım.– Azərbaycanda sizi necə çağırırdılar? Şamil deyirdilər?– Rəşid deyirdilər. Amma necə oldusa, Dağıstanda çıxan qəzetdə şəkilimin altında "Şamil Lahiyalov" yazıldığını gördülər. Məndən soruşurlar ki, sən Şamilsən?. Cavab verdim ki, yox, Rəşidəm. Amma azərbaycanlılar çoxbilmiş xalqdır. Yarım saat sonra televizora baxırdıq, birdən kimsə, "Şamil" - deyə səsləndi. Mən ona baxdım və hər şey aydın oldu.– Səni tanıdılar?– Bu məsələni yenə də sonuna kimi saxlaya bildim. Hətta Rəşidin adı ilə Azərbaycanın gənc yığmasının tərkibində seçim mərhələsinin bütün oyunlarında iştirak etdim.ANN.Az