Azərbaycan rezidentləri ən çox Türkiyəyə sərmayə qoyub

15:10 | 01.04.2024
Azərbaycan rezidentləri ən çox Türkiyəyə sərmayə qoyub

Azərbaycan rezidentləri ən çox Türkiyəyə sərmayə qoyub

2023-cü ildə Azərbaycan rezidentlərinin xaricdə birbaşa xarici investisiyaları (BXİ) 3 milyard 117,441 milyon ABŞ dolları təşkil edib ki, bu da 2022-ci illə müqayisədə 2,7 dəfə çoxdur. Bu barədə Mərkəzi Bank məlumat verib. 

Mərkəzi Bankın məlumatına görə, 2023-cü ilin birinci rübündə Azərbaycan rezidentləri xaricə 289,896 milyon dollar, ikincidə 330,365 milyon dollar, üçüncüdə 2 milyard 71,639 milyon dollar, dördüncü rübdə 425,541 milyon dollar investisiya yatırıb.

Mərkəzi Bankın məlumatına görə, 2023-cü ildə Azərbaycan rezidentləri ən çox Türkiyə iqtisadiyyatına sərmayə yatırıb. Bu dövr ərzində 1 milyard 815,102 milyon dollar (artım 7,4 dəfə) və ya bütün birbaşa xarici investisiyaların 58,2%-i Türkiyəyə yatırılıb.  2022-ci ildə Türkiyəyə investisiyalar  cəmi sərmayələrin 21,4% təşkil edib.

Azərbaycanın rezidentlərinin ABŞ iqtisadiyyatına 311,775 milyon dollar (+4 dəfə), Böyük Britaniya - 156,759 milyon dollar (+2,3 dəfə), Hollandiya - 98,199 milyon dollar (+1,7 dəfə), BƏƏ - 94,819 milyon dollar (- 36%) sərmayə qoyub.

Azərbaycan rezidentləri 2023-cü ildə Rusiyaya investisiyaları 5,9 dəfə  artırıb və bu sərmayələr  91,954 milyon dollara və ya xaricə yatırılan bütün investisiyaların 2,9%-i (2022-ci ildə - 1,3%) təşkil edib. 

2022-ci ildə Azərbaycan rezidentlərinin xaricdəki birbaşa xarici investisiyaları (BXİ) 1 milyard 152,617 milyon ABŞ dolları təşkil edib ki, bu da 2021-ci illə müqayisədə 39,6% çoxdur.
 
N.Təbrizli



www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb