Azərbaycan təhsili tənəzzülə gedir - DEPUTAT

Azərbaycan təhsil inkişaf etmək əvəzinə tənəzzülə doğru gedir. Bunu Milli Məclisin Təhsil Komitəsinin üzvü Ceyhun Məmmədov bu gün Təhsil Komitəsinin iclasında deyib.

"Təhsillə bağlı ciddi problemlər müşahidə edirik, təhsilimiz inkişafa yox,tənəzzülə gedir. Elm və Təhsil Nazirliyi yaradılıb. Strukturlarla bağlı hansı işlər gedir. Konkret iş yoxdur. Cəmiyyətdə təhsillə bağlı məsələlər qaldırılır,amma fikir bildirilmir. Təhsilimizin inkişaf etməli olduğu bir dövrdə biz sanitar qovşaqları müzakirə edirik. Təhsilə hələ bu qədər vəsait ayrılmamışdı. Müəyyən addımlar atılır, daha ciddi nəticələr görməliyik. Biz problemlərin həlli əvəzinə, daha da ağırlaşdığını görürük. Hazırda Cəbrayılın 5 məktəbində yanacaq yoxdur” – deputat bildirib. 

Komitə sədri Bəxtiyar Əliyev Ceyhun Məmmədova cavab olaraq bildirib ki, təhsil heç də tənəzzülə getmir. Müəyyən problemlər ola bilər, amma bunu ümumiləşdirib demək doğru deyil.


Gülnar Nazimqızı 
www.anews.az