Oxu.Az TASS-a istinadən xəbər verir ki, bu barədə bu gün Rusiyanın iqtisadi inkişaf nazirinin müavini Aleksandr Tsıbulski bildirib.
"Bu il biz obyektiv və məlum səbəblər ucbatından tempi azaltmışıq. Birinci yarımillik üçün ölkələrimiz arasında mal dövriyyəsi 1,7 milyard ABŞ dollarından ibarət olub və 20 faizdən bir qədər artıq aşağı düşüb”, - Tsıbulski Yekaterinburqda keçirilən VI Rusiya-Azərbaycan regionlararası forumunda çıxış edərkən bildirib.
Eyni zamanda o, qeyd edib ki, əgər malların çatdırılmasının fiziki həcmini götürsək, o zaman burada heç bir azalma yoxdur, biz malların tədarükündə 50 faizdən çox artım müşahidə edirik.
Tsıbulskinin sözlərinə görə, mal dövriyyəsinin göstəricilərinin milli valyutalarda ifadəsinə nəzər salsaq, məsələn, rublda bu göstəricilərin 2015-ci ilin yeddi ayı ərzində 20 milyard dollar – təxminən 25 faiz artdığını görərik.
Nazir müavini həmçinin bildirib ki, 2014-cü ilin nəticələrinə əsasən, Rusiya və Azərbaycan arasında mal dövriyyəsi 4 milyard dollar artıb və tarixi maksimuma çatıb.
"Qarşılıqlı ticarət göstəricilərinin dinamikası, keçən ilin obyektiv dünya çətinliklərinə baxmayaraq, MDB ölkələri arasında ən yaxşı göstərici olub. Son beş il ərzində ölkələrimiz arasında mal dövriyyəsi ən azı iki dəfə artıb”, - Tsıbulski əlavə edib.
www.ann.az
Bizi sosial şəbəkələrdə izləyin !
