Azərbaycan və Serbiya qaz tədarükü üçün sənəd imzalayıb
15.11.2023 14:59
Azərbaycan Dövlət Neft Şirkəti (SOCAR) və Serbiyanın "Srbijagas” şirkəti arasında 400 milyon kubmetrədək neftin tədarükü haqqında müqavilə imzalanıb. Bu barədə Energetika Nazirliyi məlumat yayıb.
Sənəd iki ölkənin energtika nazirləri arasında imzalanıb.
"Sənədlər paketinə SOCAR və Srbijagas arasında əməkdaşlığı təşviq etmək üçün Azərbaycanın Energetika Nazirliyi ilə Serbiyanın Mədən və Energetika Nazirliyi arasında anlaşma memorandumu, həmçinin SOCAR və Srbijagas arasında qaz satışına dair saziş daxildir” - açıqlamada deyilir.
Azərbaycanın energetika naziri bildirib ki, Serbiya Azərbaycanın Avropada qaz bazarında yeni tərəfdaşıdır.
"Serbiyaya ildə 400 milyon kubmetrə qədər qazın tədarükü nəticəsində Azərbaycan qazının ixrac olunduğu ölkələrin sayı səkkizə çatacaq.Azərbaycanın etibarlı enerji tərəfdaşı kimi missiyasının genişlənməsinin və enerji təhlükəsizliyində artan rolunun bariz göstəricisidir”, - o əlavə edib.
Azərbaycan 2020-ci ildən Cənub Qaz Dəhlizinin tərkib hissəsi olan Trans-Adriatik Boru Kəməri vasitəsilə Avropaya kommersiya qazının tədarükünə başlayıb. Hazırda qaz ixracının əsas mənbəyi Xəzər dənizindəki 1,2 trilyon kubmetr ehtiyata malik "Şahdəniz” yatağıdır.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
