2023-cü ildə "Azərbaycan Xəzər Dəniz Gəmiçiliyi” QSC (ASCO) 43,685 milyon manat xalis mənfəətlə başa vurub, bu da əvvəlki illə müqayisədə 33,2 % azdır.
Ötən il ASCO-nun əsas əməliyyat gəlirləri 524,195 milyon manat (əvvəlki illə müqayisədə 8 % az), satışlarının maya dəyəri 375,113 milyon manat (1,5 % çox), ümumi və inzibati xərcləri 60,921 milyon manat (16,8 % çox), sosial xərcləri 9,506 milyon manat (10,9 % çox), digər əməliyyat gəlirləri 50,490 milyon manat (53,8 % çox), digər əməliyyat xərcləri 67,259 milyon manat (4,2 % az), gözlənilən kredit zərərləri 1,050 milyon manat (87,3 % az), əsas vəsaitlərinin silinməsindən gəlirləri 74 min manat (1 il bundan əvvəl zərər olub), məzənnə fərqindən zərəri 1,688 min manat (2 dəfə çox), maliyyə xərcləri 9,621 milyon manat (7,9 dəfə çox), birgə müəssislərdəki pay hesabına gəlirləri 6,761 milyon manat (1 il bundan əvvəl olmayıb), mənfəət vergisi ödəmələri isə 12,677 milyon manat (52,4 % az) təşkil edib.
Şirkətdən verilən məlumata görə, hesabat dövründə gəmiçiliyin "Ro-Pax” bərələri ilə 8847 vaqon və 9150 nəqliyyat vasitəsi daşınıb.
ASCO həmçinin 2024-cü ilin yanvar-martında 6172 sərnişin daşıyıb.
ASCO universal quru yük gəmiləri birinci rübdə 154,988 min ton yük daşıyıb.
"Azərbaycan Xəzər Dəniz Gəmiçiliyi” (ASCO) QSC 2023-cü ildə tankerlərlə 4,9 milyon ton neft və neft məhsulları daşıyıb.
Aytac Zeynalova
www.anews.az
Bizi sosial şəbəkələrdə izləyin !
