Azərbaycanda iki nəhəng şirkət arasında məhkəmə çəkişməsi
29.05.2020 11:37
"Holcim" (Azərbaycan) Açıq Səhmdar Cəmiyyəti (ASC) "Azenco" (ASC) şirkətini məhkəməyə verib.
"Report"un xəbərinə görə, "Holcim" pul iddiası barədə tələb irəli sürüb. İddia olunan vəsaitin məbləği açıqlanmır.
İddiaya 2 saylı Bakı İnzibati-İqtisadi Məhkəməsində baxılır.
Qeyd edək ki, "Holcim" (Azərbaycan) ASC dünyanın aparıcı sement təchizatçılarından olan "Holcim Qrup"unun bir hissəsi olaraq, ölkədə klinker və sement istehsal edən qabaqcıl müəssisələrdən sayılır. Şirkət yerli və beynəlxalq standartlara cavab verən yüksək keyfiyyətli məhsulları ilə ölkədaxili tələbatın əksər hissəsini ödəyir.
"Azenco" şirkəti isə dövlət müəssisəsi olan "Azerenerji” ASC-nin tərkibində "Azerenerjitikinti" Məhdud Məsuliyyətli Cəmiyyəti (MMC) adı altında fəaliyyət göstərib. Bir müddət sonra "Azenco" Açıq Səhmdar Cəmiyyətinə çevrilib. Şirkətin xüsusi kapitalının həcmi təxminən 500 milyon ABŞ dollarına bərabərdir.
www.ann.az
Foto 
Video 
