Azərbaycanda sənaye istehsalı 1 % azalıb

Bu ilin yanvar-oktyabr aylarında Azərbaycandakı sənaye müəssisələri və bu sahədə fəaliyyət göstərən fərdi sahibkarlar 73,3 milyard manatlıq və yaxud ötən ilin eyni dövrü ilə müqayisədə 1 % az sənaye məhsulu istehsal ediib.
Bu barədə Dövlət Statistika Komitəsi məlumat yayıb.
Son 1 ildə neft-qaz sektorunda məhsul istehsalı 2,1 % azalıb, qeyri neft-qaz sektorunda isə 5,6 % artıb.
Sənaye məhsulunun 76,4 %-i mədənçıxarma sektorunda, 19,9 %-i emal sektorunda, 3,1 %-i elektrik enerjisi, qaz və buxar istehsalı, bölüşdürülməsi və təchizatı sektorunda, 0,6 %-i isə su təchizatı, tullantıların təmizlənməsi və emalı sektorunda istehsal olunub.
Mədənçıxarma sektorunda əmtəəlik neft hasilatı 5,5 % azalıb, əmtəəlik qaz hasilatı isə 8,6 % artıb.
Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 3,5 %, su təchizatı, tullantıların təmizlənməsi və emalı sektorunda isə 5,7 % artıb.
www.anews.az
Oxşar xəbərlər
Oxşar xəbərlər
Son xəbərlər
Daha çox 