Azərbaycanlı futbol hakimində koronavirus aşkarlanıb

17:25 | 22.10.2021
Çexiyada "Yablonets" və Danimarkanın "Randers" klubları arasında UEFA Avropa Konfrans Liqasının qrup matçını Əliyar Ağayevin rəhbərlik etdiyi hakimlər briqadası idarə edib.

AFFA-nın rəsmi saytının yaydığı məlumata görə,  referi köməkçisi Zeynal Zeynalovun oyunöncəsi COVID-19 testi pozitiv nəticələndiyi üçün dördüncü hakim funksiyasını yerinə yetirməli olan Elçin Məsiyev Akif Əmirəli ilə birlikdə yan xətt hakimi kimi fəaliyyət göstərib.
Matçın dördüncü hakimi isə çexiyalı Yan Petrik olub.

Ağayev, Məsiyev və Əmirəli oktyabrın 23-də Bakıya qayıdacaq, Zeynalov isə bir neçə gün Çexiyada karantin rejimində qalacaq.

Görüş 2:2 hesabı ilə başa çatıb.

www.anews.az
0
Bizi sosial şəbəkələrdə izləyin !

Tərəfdaşların xəbərləri

REKLAM