Azyaşlı övladına zorakılıq edən ataya cinayət işi açılıb - Rəsmi/VİDEO
20.02.2024 11:26
Azyaşlı övladına qarşı zorakılıq edən Bakı sakini Elnur Məmmədova qarşı cinayət işi açılıb. Bu barədə Daxili İşlər Nazirliyindən bildirilib.
"Görüntülər araşdırılıb. Əməlin Bakı şəhəri Türkan qəsəbəsi sakini 1983-cü il təvəllüdlü E. Məmmədov tərəfindən törədildiyi müəyyən olunub. Fakta görə Cinayət Məcəlləsinin müvafiq maddəsi ilə cinayət işi başlanılıb. E.Məmmədov şübhəli şəxs qismində saxlanılıb. Araşdırmalar davam etdirilir", - açıqlamada deyilir.
09:34
Bakının Xəzər rayonu, Türkan kənd sakini Əliyev Muxtar (ad, soyad şərtidir) öz azyaşlı qızını döyərək işgəncə verməsi ilə bağlı görüntülər yayılıb.
Görüntülərdə ata azyaşlı qızının əlindəki küt alətlə döyür.
İddiaya görə, görüntünü uşaqdan öncə döyülən ana çəkib.
Daxili İşlər Nazirliyindən (DİN) anews.az-a bildirilib ki, hadisə ötən həftənin cümə günü baş verib.
"Görüntülərdən məlumatlıyıq, nəzarətə götürülüb. Ötən həftənin cümə günü bu barədə daxil olan məlumat üzrə araşdırma başlayıb, müvafiq ekspertizalar təyin edilib. Araşdırmaların nəticəsindən asılı olaraq zəruri olan tədbirlərin görülməsi təmin olunacaqdır. Əlavə məlumat veriləcəkdir", - DİN-in açıqlamasında qeyd olunub.
Gülnar Nazimqızı
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
