Qaradağda 10 yaşlı uşaq qızılcadan ölüb

"Artıq bir övladımızı qızılca xəstəliyinə görə itirdik. Çox təəssüf. Ölkədə tibb sahəsində kadr çatışmazlığı varmı? Artıq iki ildir ki, məktəb üçün tibb bacısı tələb edirik. 3 növbəli məktəbin bir nəfər də olsun həkimi yoxdur. Son 5 gündə isə 200-dən çox yoluxma var”, direktor əlavə edib.

 

TƏBİB açıqlama yayaraq bildirib ki, ölən uşağın ölüm səbəbini tibbi ekspertiza, pataloji anatomik müayinə və təşrihdən sonra müəyyənləşdirmək mümkündür

 

Bundan əvvəl Kürdəmirdə 4 yaşlı uşaq qızılcadan ölüb. 

 

Səhiyyə Nazirliyinin son statistikasına görə Azərbaycanda 284 nəfər qızılcaya yoluxub. 

 

Noyabrın 29-da millət vəkili Müşfiq Məmmədli bildirib ki, qızılcaya qarşı peyvəndlənmə zəif olduğuna görə bu virusa yoluxma halları sürətlə yayılır. 

 

Səhiyyə Nazirliyi açıqlama yayaraq qeyd edib ki, epidemioloji vəziyyəti nəzərə alaraq, ölkə ərazisində orta və yaşlı əhalinin profilaktikası məqsədi ilə vaksinasiyası üçün peyvənd (Qızılca-Parotit-Məxmərək) tətbiq olunacaq. 

 

2022-ci dünyada qızılca xəstəliyindən ölənlərin sayı 136 minə çatıb ki, bu da 2021-ci illə müqayisədə 43% çoxdur. Bu barədə Ümumdünya Səhiyyə Təşkilatı (ÜST) hesabat yayıb.

Oktyabrın 17-də Səhiyyə Nazirliyi 2014-cü ildən bu yana Azərbaycanda qızılca və məxmərək infeksiyalarına yerli yoluxma halları baş vermədiyinə görə ÜST-ün infeksiyaların ləğv edildiyi ölkələr siyahısına daxil edildiyini qeyd edib.

 

Gülnar Nazimıqızı