Bakıda xəncərlə mühafizəçiyə hücum edən şəxs saxlanılıb
30.12.2024 12:30
Bakının mərkəzində yerləşən "Capital Towers” yaşayış kompleksində insident baş verib.
Oxu.az xəbər verir ki, bina sakinləri 20-ci mərtəbənin foyesində narkotik maddə istifadə etdikləri deyilən iki nəfəri görüb və dərhal mühafizəçiyə xəbər veriblər.
Mühafizəçi narkotikin təsiri altında olduğu bildirilən şəxslərdən aşağı enməyi tələb edib. Lakin onlar bu tələbə məhəl qoymayaraq mühafizəçini söyməyə və döyməyə başlayıblar.Əlində xəncər olan şəxslərdən biri ona hücum edib.
Daxili İşlər Nazirliyinin Mətbuat Xidmətinin baş inspektoru polis leytenantı Elbrus İbrahimovun açıqlamasına görə, mühafizəçiyə suvenir xəncərlə hücum edən şəxs saxlanılıb:
"Görüntüdə əks olunan hadisə qonşular arasında mübahisədir. Həmin şəxs polis əməkdaşları tərəfindən müəyyən olunaraq saxlanılıb. Faktla bağlı araşdırma aparılır”.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
