Maqsud Məmmədov İkinci Fəxri xiyabanda dəfn olunacaq - Yenilənib

Xalq artisti Maqsud Məmmədov İkinci Fəxri xiyabanda dəfn olunacaq.Bu barədə Mədəniyyət Nazirliyindən məlumat verilib.

Bildirilib ki, görkəmli baletmeysterlə vida mərasimi aprelin 14-ü, saat 11:00-da Təzə Pir məscidində keçiriləcək.

***

Baletmeyster, Xalq artisti, Prezidentin fərdi təqaüdçüsü Maqsud Məmmədov 97 yaşında vəfat edib. Bu barədə Mədəniyyət Nazirliyi məlumat yayıb.

Maqsud Davud oğlu Məmmədov 30 may 1929-cu ildə Gəncədə anadan olub. Erkən yaşlarından rəqslə məşğul olmağa başlayıb. 1951-ci ildən Azərbaycan Dövlət Akademik Opera və Balet Teatrında çalışıb. Həyat yoldaşı, Xalq artisti Rəfiqə Axundova ilə birgə Tofiq Bakıxanovun "Xəzər balladası”, Fərəc Qarayevin "Qobustan kölgələri”, "Kaleydoskop”, Rauf Hacıyevin "Azərbaycan süitası”, Nazim Əlivedibəyovun "Muğam”, Aqşin Əlizadənin "Babək” baletlərinə quruluş verib.

Milli mədəniyyətin inkişafında xidmətlərinə görə Maqsud Məmmədov 1955-ci ildə "Əməkdar artist”, 1970-ci ildə isə "Xalq artisti” fəxri adlarına layiq görülüb. 2019-cu ildə "Şöhrət” ordeni ilə təltif olunan sənətkar 2002-ci ildən Prezidentin fərdi təqaüdçüsü idi.