Banqladeşin Köçkünlər üzrə komissarı Mijanur Rəhmanın sözlərinə görə təxminən 2000 daxma yanıb.
"Myanmadan gələn təxminən 12.000 qaçqın evsiz qalıb. Ən azı 35 məscid və qaçqınlar üçün 21 təlim mərkəzi yanğın nəticəsində məhv edilib" , - Mijanur söyləyib.
Banqladeş Müdafiə Nazirliyinin fevralında açıqladığı hesabata görə, 2021-ci ilin yanvarından 2022-ci ilin dekabrına qədər Rohingya qaçqın düşərgələrində 222 yanğın baş verib. 2021-ci ilin mart ayında kütləvi yanğın nəticəsində ən azı 15 nəfər ölüb, 50 minə yaxın insan evini itirib.
Koks Bazardakı qaçqın düşərgəsi dünyanın ən böyük düşərgəsi hesab olunur. Burada Myanmadan gələn 900 minə yaxın Rohinca qaçqını yaşayır.
Rohincalar Myanmada İslam dininə etiqad edən etnik-dini azlıqdır. Ölkə hakimiyyəti bu millətin nümayəndələrini Banqladeşdən olan qeyri-qanuni miqrantlar hesab edir və onların vətəndaşlıq hüquqlarını tanımır. Rohincalar əsasən Banqladeşlə həmsərhəd olan Rakhine əyalətində yaşayırlar və burada dəfələrlə yerli buddistlərlə alovlanıblar. Bu səbəbdən bir çox Rohingya Myanmadan Banqladeşə qaçdı.
Gülnar
www.anews.az
Bizi sosial şəbəkələrdə izləyin !
