Bayraktar "Türk axını" qaz kəmərinə hücumu təsdiqləyib
15.01.2025 20:44
Türkiyənin energetika naziri Alparslan Bayraktar bildirib ki, "Türk axını" qaz kəmərinə hücum olub, lakin insident qaz kəmərinin fəaliyyətinə təsir etməyib və kəmər adi rejimdə işləməyə davam edir. Bu barədə Turkey Today nəşri məlumat yayıb.
"Hücumdan sonra qazın nəqli dayandırılmadı. Qaz kəməri əvvəlki gücü ilə işləməyə davam edir," – deyə Bayraktar qeyd edib. Lakin Türkiyə hakimiyyətinin bu hadisəyə görə kimi məsuliyyətli hesab etdiyini açıqlamayıb.
Daha əvvəl Rusiya Müdafiə Nazirliyi məlumat vermişdi ki, yanvarın 11-də Krasnodar diyarının Qay-Kodzor bölgəsində yerləşən, "Türk axını" qaz kəmərinin işini təmin edən "Rus" kompressor stansiyasına pilotsuz uçuş aparatları ilə hücum cəhdi olub. Rusiya tərəfi hücumun məsuliyyətini Ukrayna Silahlı Qüvvələrinin üzərinə qoyub.
Rusiya Müdafiə Nazirliyinin iddiasına görə, bütün dronlar vurulub, lakin onlardan birinin qalıqları stansiyanın binasına və avadanlıqlarına "ciddi olmayan zərər" yetirib. Bununla belə, bütün nəticələrin tez bir zamanda aradan qaldırıldığı bildirilib.
N.Təbrizli
O
www.anews.az
Oxşar xəbərlər
Oxşar xəbərlər
İqtisadiyyat
12:24
Asiya İnkişaf Bankı ADY-nin dayanıqlı inkişaf layihəsinə 1,25 milyon dollar ayırıb
İqtisadiyyat
11:54
İlin sonunda ADB və ADY dekarbonizasiya layihəsi üzrə ilkin hesabatı təqdim edəcək
Son xəbərlər 
Daha çox
Foto 
Video 
