Bazarlarda qiymətlər bahalaşdı

Yanvar ayında satılmış kənd təsərrüfatı məhsullarının istehsalçı qiymətləri əvvəlki ayla müqayisədə 0,5%, o cümlədən birillik və çoxillik bitkilərin istehsalçı qiymətləri müvafiq olaraq 0,5 və 2,1%, diri heyvanlar və heyvandarlıq məhsullarının istehsalçı qiymətləri isə 0,1% bahalaşıb.Cari ilin yanvar ayı ərzində kənd təsərrüfatı məhsullarının istehsalçı qiymətləri barədə Dövlət Statistika Komitəsindən məlumat açıqlanıb.Məlumata görə, birillik bitkilərdən arpanın istehsalçı qiymətləri 0,2%, kartofun 1,0%, baş soğanın 4,3%, baş sarımsağın 0,1%, yerkökünün 5,5%, xiyarın 3,3%, pomidorun 1,0%, göyərtilərin 0,4%, quru otun istehsalçı qiymətləri 1,4% bahalaşıb, buğdanın istehsalçı qiymətləri isə 0,9% ucuzlaşıb.Çoxillik bitkilərdən almanın və limonun istehsalçı qiymətləri müvafiq olaraq 0,2 və 3,4% ucuzlaşıb, xurmanın istehsalçı qiymətləri 9,1%, narın 3,6%, heyvanın 4,7%, naringinin 2,6%, fındığın 9,4%, şabalıdın istehsalçı qiymətləri isə 0,6% bahalaşıb.Məlumata əsasən, diri heyvanlar və heyvandarlıq məhsullarından diri qoyun və keçilərin istehsalçı qiymətləri 1,8%, mal və qoyun ətinin (diri çəkidə) müvafiq olaraq 0,1 və 0,2%, yumurtanın istehsalçı qiymətləri 3,3% bahalaşıb.Bu bahalaşma ilə yanaşı ay ərzində inəyin istehsalçı qiymətləri 0,1%, camışın 1,3%, südün 0,2%, quş ətinin (diri çəkidə) 4,4%, təbii balın istehsalçı qiymətləri isə 1,1% ucuzlaşıb.Balıq və sair balıqçılıq məhsullarından diri balığın istehsalçı qiymətlərində 1,4% bahalaşma müşahidə olunub.ANN.Az