AZAL-ın təyyarəsinin vurulması ilə bağlı istintaqının başa çatmasını gözləyirik - XİN

AZAL-ın təyyarəsinin vurulması ilə bağlı Rusiyanın istintaqının başa çatmasını gözləyirik.Bunu xarici işlər naziri Ceyhun Bayramov jurnalistlərə açıqlamasında deyib.

"AZAL-ın təyyarəsinin vurulması məsələsi hər zaman gündəliyimizdədir. Biz bütün təmaslarımız zamanı bu məsələni Rusiya tərəfi ilə qaldırırıq.

Qarşı tərəfin bizə verdiyi izahat ondan ibarətdir ki, hazırda Rusiyada istintaq tədbirləri davam edir. Bildirirlər ki, istintaq tədbirləri başa çatdıqdan sonra daha detallı məlumatlar təqdim edəcəyik.Biz də, təbii ki, istintaqın ən qısa zamanda başa çatmasını gözləyirik", - deyə nazir qeyd edib.