40 yaşlı Niderland vətəndaşı Gert-Jan Oskam keçirdiyi velosiped qəzasından12 il sonra aparılan uğurlu elektron beyin implantı nəticəsində iflicdən sağalaraq yeriməyə başlayıb. Bu barədə BBC məlumat yayıb.
"Özümü yenidən yeriməyi öyrənən uşaq kimi hiss edirəm” – Oskam BBC-yə çıxışında qeyd edib.
İmplantların yerləşdirilməsi üçün yükşək peşəkarlıq tələb edən əməliyyatı həyata keçirən neyrocərrah Lozan Universitetinin professoru Jocelyne Bloch BBC-yə çıxışında sistemin hələ də əsas tədqiqat mərhələsində olduğunu və iflic olmuş xəstələr üçün uzun illər əlçatmaz qalacağını bildirib. Professor həmçinin qeyd edib ki, komandanın məqsədi onu laboratoriyadan çıxarıb klinikaya mümkün qədər tez çatdırmaqdır.
"Bizim üçün vacib olan sadəcə elmi sınaq keçirmək deyil, onurğa beyni zədəsi olan və həkimlərdən bir daha heç vaxt hərəkət etməyəcəklərinə dair proqnozları eşitməyə vərdiş etmiş insanlara yardım etməkdir” - Jocelyne Bloch BBC-yə çıxışında qeyd edib.
Ayişə Zahid
www.anews.az
Bizi sosial şəbəkələrdə izləyin !
