2024-cü ildə "Şahdəniz" qaz-kondensat yatağında 3 hasilat quyusunun qazılması planlaşdırılır. Bunu BP şirkətinin Azərbaycan, Gürcüstan və Türkiyə regionunda quyular üzrə vitse-prezidenti Cim O'Liri bildirib.
O bildirib ki, hər 3 quyunun tamamlanması 365 gün vaxt çəkəcək.
Jim O'Learynin sözlərinə görə, quyuların tamamlanması işləri isə" İstiqlal" qazma qurğusu vasitəsi aparılacaq.
2013-cü il dekabrın 17-də Bakıda imzalanmış sənədlərə görə "Şahdəniz" yatağının işlənməsi ilə bağlı PSA sazişinin müddəti 2036-cı ildən 2046-cı ilədək uzadılıb.
"Şahdəniz” üzrə iştirak payları belədir: BP (operator – 29,99 %), "Lukoil” (19,99 %), TPAO (19 %), NİKO (10 %), "Cənub Qaz Dəhlizi” (21,02 %).
2024-cü ilin yanvarında "Azəri-Çıraq-Günəşli” (AÇG) yataqlar blokundan 387,645 milyon ABŞ dolları məbləğində gəlir əldə edilib ki, bu da əvvəlki illə müqayisədə 38% azdır. Bu barədə Azərbaycan Dövlət Neft Fondundan (ARDNF) məlumat verilib.
2023-cü ilin yanvarında Azərbaycan Dövlət Neft Fondu (ARDNF) Xəzər dənizinin Azərbaycan sektorunda yerləşən "Azəri-Çıraq-Günəşli” (AÇG) yataqlar blokundan 625,074 milyon dollar gəlir əldə edib.
Energetika Nazirliyinin proqnozlarına görə, 2024-cü ildə neft hasilatı 29,5 milyon ton olacaq.
Aytac Zeynalova
www.anews.az
Bizi sosial şəbəkələrdə izləyin !
