2024-cü ilin ilk 6 ayında Britaniyanın BP şirkəti və onun əməliyyatçısı olduğu birgə layihələrdəki tərəfdaşları Azərbaycanda həyata keçirdikləri sosial investisiya layihələri üzrə xərcləri 2023-cü ilin eyni dövründəki 1 milyon dollardan 0,5 milyon dollara kimi azaldıb. Bu barədə "BP-Azerbaijan” şirkətinin əməliyyatçılar adından ilin birinci yarısının nəticələri üzrə biznesə dair yaydığı məlumatda qeyd edilib.
BP tərəfindən sosial layihələr proqramı çərçivəsində 16 təhsil proqramı, yerli bacarıqların yaradılmasını və sahibkarlığın inkişafını dəstəkləyən 3 layihə və ətraf mühit üzrə 1 təşəbbüs maliyyələşdirilir.
Bundan əlavə, BP ayrıca bir şirkət kimi öz adından Azərbaycanda sponsorluq etdiyi layihələrə təxminən 0,9 milyon dolları vəsait xərcləyib ki, bu da 2023-cü ilin eyni dövründən 3 dəfə çoxdur. Bu layihələrə hazırda davam edən 15 təhsil təşəbbüsü, yerli bacarıqların yaradılmasını və sahibkarlığın inkişafını dəstəkləyən 1 layihə, ətraf mühit üzrə 4 təşəbbüs, ölkənin zəngin mədəni irsini və idmanı təbliğ edən 1 layihə və müxtəlif mövzularda 6 konfrans və seminara, yəni ümumilikdə 27 layihəyə dəstək fəaliyyəti daxildir.
N.Təbrizli
www.anews.az
Bizi sosial şəbəkələrdə izləyin !
