Britaniyada leyboristlər qələbə qazanıb
05.07.2024 09:32
Böyük Britaniyada keçirilən parlament seçkilərində Leyboristlər Partiyası qələbə qazanıb. İlkin nəticələrə görə, onlar İcmalar palatasında 650 yerdən 326-a sahib olublar. Bu barədə "Sky News" yazıb.
2010-cu ildən hakimiyyətdə olan Mühafizəkarlar Partiyası isə hələlik 71 yer qazanıb. Hazırda səslərin hesablanması davam edir və Bakı vaxtı ilə 10:00-da başa çatacaq.
Britaniyanın fəaliyyətdə olan baş naziri Rişi Sunak məğlubiyyətini etiraf edib və leyboristlərin nümayəndəsi Kir Starmeri qələbəsi münasibəti ilə təbrik edib.
"Leyboristlər Partiyası seçkilərdə qalib gəldi. Kir Starmeri qələbə münasibətilə təbrik etmək üçün ona zəng etdim”, - Sunak bildirib.
Böyük Britaniyanın müdafiə naziri Qrant Şepps də hakim Mühafizəkarlar Partiyasının iyulun 4-də keçirilən parlament seçkilərində məğlub olduğunu etiraf edib.
"Aydındır ki, Böyük Britaniyanın səhər yeni hökuməti olacaq və mən narahatam ki, o, ÜDM-in 2,5%-ni müdafiəyə sərf etməsə, bizim silahlı qüvvələrimiz də Ukraynadakı dostlarımız kimi əziyyət çəkə bilər", - Şepps bildirib.
"Aydındır ki, Böyük Britaniyanın səhər yeni hökuməti olacaq və mən narahatam ki, o, ÜDM-in 2,5%-ni müdafiəyə sərf etməsə, bizim silahlı qüvvələrimiz də Ukraynadakı dostlarımız kimi əziyyət çəkə bilər", - Şepps bildirib.
Bu gün səhər Britaniya Kralı III Çarlz qalib gələn partiya liderini qəbul edəcək.
Bundan sonra Stamer Dauninq-stritdəki iqamətgahanla gedərək xalqa müraciət edəcək.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
