Bu gecə 6 planet eyni zamanda səmada görünəcək

20:43 | 20.01.2025

Bu gecə 6 planet eyni zamanda səmada görünəcək

Bu gecə "planetlərin paradı"nı müşahidə etmək mümkün olacaq. Belə ki, Venera, Mars, Yupiter, Saturn, Uran və Neptun eyni zamanda görünmə zonasında olacaqlar.Bu barədə "Euronews" xəbər yayıb.

Venera, Mars, Yupiter və Saturnu adi gözlə, Uran və Neptunu isə binokl və ya teleskopla görmək mümkün olacaq. "Planetlərin paradı" 21 yanvardan 25 yanvara qədər davam edəcək.

Venera və Saturn səma qübbəsinin cənub-qərbində, Yupiter cənubda, Mars isə cənub-şərq və ya şərqdə görünür. Bu planetlər digər ulduzlardan daha parlaq olacaq, Mars qırmızımtıl-narıncı nöqtə kimi görünəcək.

Fevralın sonunda "parad"a Merkuri də qoşulacaq və günəş sisteminin bütün planetlərini görmək mümkün olacaq.

"Kiçik parad" səmada dördə qədər planetin bir-birinə yaxın toplaşmasıdır və bu, kifayət qədər geniş yayılmış hadisədir. "Böyük parad" - beşdən artıq planetin bir yerdə görünməsi isə nadir hallarda baş verir.

www.anews.az

Bizi sosial şəbəkələrdə izləyin !