Bu ilin ilk 3 ayında Azərbaycanda 7051 heyvan dişləməsi hadisəsi olub

O bildirib ki, dişləmə hadisələri daha çox itlərin hücumu nəticəsində olub.

Cəfərovanın sözlərinə görə, dişləməyə daha çox məruz qalanlar uşaqlardır.

 

"Çünki onlar təhlükəni dərk etmir və haradan gəldiyini bilmirlər. Həmçinin kişilər arasında da heyvan dişləməsinə məruz qalma müşahidə olunur. Bu da əsasən rayon və kənd yerlərində maldarlıqla məşğul olanlardır”, - o əlavə edib.

Şöbə müdiri bildirib ki, bu il Azərbaycanda vəhşi heyvan dişləməsi qeydə alınmayıb. Həmçinin deyib ki, hər ay rayonlarda heyvan dişləməsi haqqında məlumatlar toplanılır və təhlil edilir".

Onun sözlərinə görə, bu il quduzluğa yoluxma və quduzluqdan ölüm halı baş verməyib. Cəfərova vurğulayıb ki, heyvan sahibləri mütləq baytar nəzarətindən keçməlidir. Şöbə müdiri tövsiyə edib ki, insanlar vaxtaşırı heyvanlarına vaksinlərini vurdurmalıdırlar.

Ceyran Cəfərovanın sözlərinə görə, heyvan dişləyəndən sonrs həkimə gec müraciət edilməsi nəticəsində ağ suyunun ifrazı artır, sudan, havadan qorxma baş verir.

"Quduzluq virusunun sonunda mütləq ölüm var. Ona görə də heyvan cırmaqlaması, dişləməsi halı olarsa, mütləq vaxtında həkimə müraciət edilməsini məsləhət görürük. Vaksin vurdurmağı tövsiyə edirik. Çünki bu həyati təhlükə daşıyan virusdur”, - o əlavə edib.