Şəkərli diabet olan xəstə uşaqlar evdə təhsil proqramından yararlana bilmir. Bunu Milli Məclisin 19 mayda Səhiyyə Komitəsinin iclasında Sədaqət Vəliyeva bildirib.
"Nazirlər Kabinetinin qərarı var. Qərarda qeyd olunur ki, uşaq "koma" vəziyyətinə düşməlidir ki, bu təhsildən yararlana bilsin. Hesab edirəm ki, bu "koma" sözü çıxarılmalıdır. Yoxsa bu kateqoriyadan olan uşaqlar evdə təhsil proqmaına qoşula bilmir", - millət vəkili bildirib.
Səhiyyə Komitəsinin sədri Əhliman Əmiraslanov bildirib ki, bu məsələni ilk növbədə Təhsil Nazirliyi qaldırmalıdır.
"Əgər uşaq komadadırsa o heç evdə də qala bilməz. Xəstəxanada reanimasiya şöbəsində olmalıdır. "Koma" sözü həmin qərardan çıxarılamlıdır", - Əmiraslanov söyləyib.
Gülnar Nazimqızı
www.anews.az
Bizi sosial şəbəkələrdə izləyin !
