2024-cü ilin ilk 6 ayında Azərbaycanın dövlət büdcəsinə neft-qaz sektoru üzrə daxilolmalar 32,3% artaraq 8,8 milyard manat təşkil edib ki. Bu barədə Maliyyə Nazirliyi məlumat verib.
Məlumata görə, hesabat dövründə büdcə daxilolmalarında neft-qaz sektorunun payı 46,7 % təşkil edib.
6 ayda dövlət büdcəsinin gəlirlərində neft-qaz sektoru üzrə daxilolmaların 27,4 %-i və yaxud 2 milyard 407,2 milyon manatı Vergilər Nazirliyinin , 72,6 %-i və yaxud 6 milyard 390,5 milyon manatı Dövlət Neft Fondunun transferlərinin payına düşüb.
Vergi orqanlarının xətti ilə dövlət büdcəsinə daxil olan neft-qaz gəlirlərinin 48,5 %-i və ya 1,2 milyard manatı "Şahdəniz" yatağı üzrə mənfəət vergisi, 34,6 %-i və ya 833,3 milyon manatı Azərbaycan Dövlət Neft Şirkətinin (SOCAR) ödədiyi vergilər, 16,9 %-i və ya 406,9 milyon manatı Azərbaycan Beynəlxalq Əməliyyat Şirkətinin mənfəət vergisinin payına düşüb.
N.Təbrizli
www.anews.az
Bizi sosial şəbəkələrdə izləyin !
