Əli Əsədov Laosun baş prokuroru ilə görüşüb

Azərbaycanın Baş naziri Əli Əsədov Laosun Ali Xalq Prokurorluğunun baş prokuroru Saysana Kotputanla görüşüb.Bu barədə Nazirlər Kabineti məlumat yayıb.

Görüşdə bu il Azərbaycanla Laos arasında diplomatik əlaqələrin qurulmasının 30 illiyinin qeyd olunduğu bildirilib.

İki ölkə arasında yaxşı əlaqələrin olduğu vurğulanıb, iqtisadiyyat, ticarət, investisiya və digər sahələrdə əməkdaşlığın inkişafı üçün əlverişli perspektivlərin mövcudluğu qeyd edilib.

Kotputanın səfəri çərçivəsində müvafiq Anlaşma Memorandumunun imzalanmasının iki ölkənin prokurorluq orqanları arasında əməkdaşlığın inkişafına töhfə verəcəyinə əminlik ifadə olunub.

Görüşdə Azərbaycanın baş prokuroru Kamran Əliyev də iştirak edib.