Ərdoğan Zəfər Günü münasibətilə Əliyevi və Azərbaycan xalqını təbrik edib

Türkiyə Prezidenti Rəcəb Tayyib Ərdoğan 8 Noyabr – Zəfər Günü münasibətilə Azərbaycan Prezidenti İlham Əliyevə və Azərbaycan xalqına təbrik ünvanlayıb. Bu barədə Azərtac məlumat yayıb.

Ərdoğan Koreya Respublikasına səfəri zamanı təyyarəsi Azərbaycanın hava məkanından keçərkən laynerin pilotu dispetçerlə əlaqə saxlayaraq Türkiyə Prezidentinin təbrikini dövlət başçısına çatdırıb.

Təbrikdə Ərdoğan Azərbaycanla Türkiyə arasındakı müttəfiqlik münasibətlərinin və əməkdaşlığın gələcəkdə də möhkəmlənərək inkişaf edəcəyinə inamını ifadə edib.

“Qarşıdan gələn 8 Noyabr – Zəfər Günü münasibətilə Zati-alinizi və qardaş Azərbaycan xalqını səmimi-qəlbdən təbrik edir, Azərbaycana davamlı sülh, firavanlıq və tərəqqi arzulayıram”, – təbrikdə qeyd olunub.

Ərdoğan həmçinin öz adından və nümayəndə heyəti adından İlham Əliyevə və Azərbaycan xalqına ən səmimi salamlarını və xoş arzularını çatdırıb.