Bütün fikrimizi bu matça yönəltmişik - Qurban Qurbanov
13.03.2024 21:11
Çox vacib oyundur. Avropanın ən güclü komandalarından birinə qarşı oynayacağıq. Yenidən bu arenada mübarizə aparmaq xoşdur.Sabah 90 dəqiqə diqqətli olmalıyıq.Bu sözləri "Qarabağ”ın baş məşqçisi Qurban Qurbanov UEFA Avropa Liqasının 1/8 final mərhələsinin cavab qarşılaşması çərçivəsində səfərdə Almaniyanın "Bayer” klubuna qarşı keçirəcəkləri oyundan əvvəl təşkil olunan mətbuat konfransında deyib.
Qurban Qurbanov heç bir rəqibdən çəkinmədiklərini bildirib. O, Juninyonun zədəsi ilə bağlı da məlumat verib:
"Heç bir rəqibdən çəkinmirik. Bu, komandaya özünəinamı, motivasiyanı göstərir. Juninyonun sabah heyətdə olub-olmayacağını bilmirik. Bu gün son məşqimiz var. Həkimlərlə müzakirədən sonra qərarımız verəcəyik. Musa Qurbanlının "Qarabağ"a qayıtması müzakirə olunmayıb. Komandada kifayət qədər futbolçu var. Bütün diqqətimizi sabahkı oyuna yönəltmişik".
Leverkuzendəki qarşılaşma martın 14-də, Bakı vaxtı ilə saat 00:00-da başlayacaq. Komandalar arasında Bakıda keçirilən qarşılaşma 2:2 hesabı ilə yekunlaşıb.
www.anews.az
Foto 
Video 
