Rafiq Tağının məzarı ziyarət olunacaq

Bu gün (23 noyabr) yazıçı, publisist, həkim Rafiq Tağının müalicə olunduğu xəstəxanada müəmmalı şəkildə vəfat etməsindən 4 il ötür.

O, 19 noyabr, 2011-ci ildə işdən evinə gedəndə küçədə naməlum kəs tərəfindən bıçaqlanmışdı.

Yazıçı bıçaqlanandan sonra xəstəxanada AzadlıqRadiosuna verdiyi müsahibədə yazılarına görə, xüsusən radikal dindarlar tərəfindən hədəfə alındığını güman etdiyini demişdi.

Ötən illərdə olduğu kimi, bu gün də yaxınları, dostları və oxucuları saat 12.30-da "Elmlər Akademiyası" metrostansiyasının girişində toplanaraq, "Qurd qapısı" məzarlığına, yazıçının məzarını ziyarət etməyə yollanacaqlar. /azadliq.org