“Deputatlıq fəaliyyətimə məhkəmə iddiası qaldırmaqla başlamaq istəmədim” - AÇIQLAMA

Modern.az saytı xəbər verir ki, Naqid Həmzəyev bir daha mətbuatın ona qərəz nümayiş etdirdiyini vurğulayıb. O, Məhəmməd Əmin Rəsulzadə barəsində təhqiramiz fikirlər səsləndirmədiyini və heç bir mətbu orqana açıqlama vermədiyini qeyd edib.

Deputat bildirib ki, onun adından yazılan fikirlərə görə "Yeni Müsavat” qəzetini məhkəməyə verə bilərmiş, amma bunu istəməyib. 

"Deputatlıq fəaliyyətimə məhkəmə iddiası qaldırmaqla başlamaq istəmədiyimdən, jurnalistin üstünə getmədim. Mənim leksikonumda təhqiramiz fikirlər yoxdur. Qeyri-rəsmi şəraitdə edilən bir söhbəti qərəzli şəkildə yazıblar, buna təəsüf edirəm. Səsləndirmədiyim fikirləri mənim adımdan veriblər”.