Azərbaycanda bağlanan nikah müqavilələrinin sayı açıqlanıb
23.02.2016 20:45
Azərbaycan Respublikasında fəaliyyət göstərən notariuslar tərəfindən ötən il ərzində ümumilikdə 124 nikah müqaviləsi təsdiq olunub.
Bu barədə "Report"un sorğusuna cavab olaraq Ədliyyə Nazirliyinin Vətəndaşlıq vəziyyəti aktlarının reyestri xidmətinin rəisi Reyhanə Kərimova məlumat verib.
O qeyd edib ki, 2004-2015-ci illərdə təsdiq edilmiş nikah müqavilələrinin sayı ümumilikdə 671 olub. 2004-cü ildə ailə quranlar tərəfindən cəmi 12 nikah müqaviləsi imzalanıb.
2005-ci ildə 19, 2006-cı ildə 33, 2007-ci ildə 16, 2008-ci ildə 33, 2009-cu ildə 70, 2010-cu ildə 88, 2011-ci ildə 58, 2012-ci ildə 64, 2013-cü ildə 71, 2014-cü ildə 83 nikah müqaviləsi bağlanıb.
2004-cü ildən bu günə kimi ən çox nikah müqaviləsi ötən il (124) bağlanıb.
Qeyd edək ki, ötən il Azərbaycanda 68,8 min nikah qeydə alınıb.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
