İstanbuldakı terrorda azərbaycanlı xəsarət alıbmı? - ARAŞDIRILIR

Azərbaycanın Türkiyədəki diplomatik missiyaları İstanbulda baş vermiş partlayışda xəsarət alanlar arasında Azərbaycan vətəndaşlarının olub-olmamasını araşdırır. Bunu Trend-ə Azərbaycanın Türkiyədəki diplomatik missiyalarından deyiblər.

Azərbaycanın Ankaradakı səfirliyi və İstanbuldakı Baş Konsulluğu Türkiyənin hüquq-mühafizə orqanları ilə əlaqə saxlayır ki, İstanbulda baş vermiş partlayışda ölən və yaralananlar arasında Azərbaycan vətəndaşlarının olub-olmaması müəyyənləşdirilsin.

Qeyd edək ki, bu gün İstanbulun İstiqlal prospektində partlayış olub. Hadisə nəticəsində terrorçu da daxil olmaqla 5 nəfər ölüb, 21 nəfər xəsarət alıb.