ADU-da İndoneziya səfiri ilə görüş keçirildi

 

ADU-nun İndoneziyaşünaslıq ixtisasında təhsil alan tələbələrlə  görüşdə Xarici Dillər kafedrasının müdiri, dosent Salman Nuriyev səfiri və qonaqları salamladı, universitetdə fəaliyyət göstərən İndoneziya Araşdırmalar mərkəzi haqqında ətraflı məlumat verdi. İndoneziya səfirliyinin fəaliyyətini yüksək qiymətləndirdiyini  söyləyən S. Nuriyev ADU-nun ölkəmizdə aparıcı ali təhsil müəssisəsi olduğunu bildirdi. Burada  tədris olunan dillər barədə görüş iştirakçılarına məlumat verdi. O, tələbələrin İndoneziya dilini böyük həvəslə öyrəndiklərini və onların müxtəlif layihələrdə iştirak etdiklərini də vurğuladı.

 

Gələcəkdə universitet və səfirliyin əməkdaşlığının möhkəmlənəcəyinə, tələbə-müəllim mübadiləsinin olacağına ümidvar olduğunu vurğuladı.

İndoneziyanın ölkəmizdəki fövqəladə və səlahiyyətli səfiri  Husnan Bey Fananie İndoneziyaşünaslıq ixtisasında təhsil alan tələbələrin gələcəkdə İndoneziyada  müvafiq kurslarda təhsil almalarına daim dəstək olacağını söylədi. O, bu görüşün qarşılıqlı əlaqələri inkişaf etdirmək imkanı yaratdığını bildirdi. Səfir İndoneziyanın tarixini, mədəniyyətini, incəsənət abidələrini əks etdirən kitabları universitetin İndoneziya Mərkəzinə hədiyyə etdi. Eyni zamanda, səfir İndoneziyanın görməli yerlərini əks etdirən disk və İndoneziyanın milli parçası olan "botik” i mərkəzə hədiyyə etdi. 

Görüş hər iki ölkənin dövlət himnnini səsləndirilməsi ilə sona yetdi.